സംസ്ഥാനത്ത് കനത്ത മഴ; സിഐടിയു പ്രവർത്തകർ രംഗത്തിറങ്ങണം

സംസ്ഥാനത്ത് കനത്ത മഴയെ തുടർന്ന് ദുരിതത്തിലായ ജനങ്ങൾക്ക് സുരക്ഷയും ആശ്വാസവും നൽകുവാൻ സിഐടിയു പ്രവർത്തകർ രംഗത്തിറങ്ങണം ; സിഐടിയു സംസ്ഥാന സെക്രട്ടറിയേറ്റ്

സംസ്ഥാനത്ത് കനത്ത മഴയെ തുടർന്ന് ദുരിതത്തിലായ ജനങ്ങൾക്ക് സുരക്ഷയും ആശ്വാസവും നൽകുവാൻ സിഐടിയു പ്രവർത്തകർ രംഗത്തിറങ്ങണം. മഴ ശക്തമായതിനെ തുടർന്ന് വിവിധ ജില്ലകളിൽ റെഡ് അലേർട്ട് തുടരുകയാണ്. ശക്തമായ മഴയെ തുടർന്ന് ഉരുൾപൊട്ടലും, കൃഷി നാശവും, വീടുകൾക്കും റോഡുകൾക്ക് കേടുപാടുകളും സംഭവിച്ചിട്ടുണ്ട്. വരും ദിവസങ്ങളിലും ശക്തമായ മഴ ലഭിക്കുമെന്ന് കാലാവസ്ഥ വകുപ്പിന്റെ മുന്നറിയിപ്പുണ്ട്. അതിതീവ്ര മഴ മുന്നറിയിപ്പ് ലഭിച്ച ജില്ലകളിൽ ദുരന്ത സാധ്യത പ്രദേശങ്ങളിൽ നിന്നും ജനങ്ങളെ സുരക്ഷിത സ്ഥാനങ്ങളിലേക്ക് മാറ്റി താമസിപ്പിക്കുകയാണ്. ഈ പശ്ചാത്തലത്തിലെ മുൻ വര്ഷങ്ങളിലേതെന്ന പോലെ അധികൃതരുടെ നിർദേശങ്ങൾ പാലിച്ചുകൊണ്ട് ജനങ്ങൾക്ക് സുരക്ഷയും ആശ്വാസവുമായി മാറാൻ സിഐടിയു പ്രവർത്തകർക്ക് സാധിക്കണം.

സ. എളമരം കരീം എംപി

സിഐടിയു സംസ്ഥാന ജനറൽ സെക്രട്ടറി